Sjukepleiar/vernepleiar til bu- og miljøtenesta

Vik kommune søker sjukepleiar eller vernepleiar til bu- og miljøtenesta. 

Me har ledig

• 100 % fast stilling
• 100 % vikariat i eitt år

Stillingane er ledige frå 1. juli 2025.

Stillingane inngår i turnus, med arbeid kvar 3. helg. Den eine stillinga har normalvakter (dag- og seinvakter), medan den andre stillinga går i langvakter på 12 timar, både vekedagar og helg. 

Om arbeidsstaden

Kommunen er liten men tenkjer stort, og bygger nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader. Bli med på spanande framtidsretta utvikling i kommunen!

Krav til kompetanse

Autorisasjon som sjukepleiar eller vernepleiar.

Personlege eigenskapar

Me søker deg som kan gjere kvardagen god for andre, og har desse eigenskapane: 

• Fagleg engasjert
• Fleksibilitet og godt humør
• God i kommunikasjon, relasjon og samarbeid med andre
• Evne til å integrere praktiske gjeremål i utforminga av tenestetilbodet

Vidare er det ein fordel om du: 

• har førarkort
• har gode norskkunnskapar

Personlege eigenskapar vil bli vektlagde. 

Løns- og tilsetjingsvilkår

Løn etter kommunalt avtaleverk. 

Kommunen har gode forsikrings- og pensjonsordningar.

Den som vert tilsett må levera politiattest av ny dato.

Andre opplysningar

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Søknadsprosedyre

Alle søknader på ledige stillingar i Vik kommune skal registrerast i elektronisk i søknadsportalen. Me ber om at dokumentasjon på eventuell utdanning og arbeidserfaring blir lasta opp med søknaden. 

Dersom du treng hjelp med søknaden, kan du ta kontakt på tlf. 57 69 82 00.